Kobazuloa
Mendukilo, Astitzko kontzejuan (Nafarroa) kokatua, denbora
luzez mendiko ukuilu bezala erabilia izan da.
Hala ere, erabilera berria eman zaio, bisitariak hartzeko egokitua izan baita. Zorupeak berez dakartzan zailatasunak gutxitzeko, kobazuloa pasabide flotakor, argiztapen dinamiko eta multimedia sistema batekin hornituta dago. Honela, ibilbidea prest dago bere kabuz hirugarren pisu bateraino igotzeko gai den pertsona ororentzat.
Mendukilo zenbakietan
Artzainzulo
Sarrerako gela izanik, argi naturala iristen da eta bere bolumen itzelari esker nahiko argiztatua egoten da. Gela honetan lehen formazio geologiko xumeak ikusiko ditugu. Gelaunearen amaierara iristean, Jentileioko tutuan sartuko gara eta 30m jaitsi ostean, kobaren erraietan izango gara. Hartz Zuloan gaude.
Gela honek banatzaile gisara jokatzen du, bertatik gainontzeko gelaunetarako sarrera baitago.
Laminosin
Gelaune honen ezaugarri nagusia formazio geologikoen aniztasun eta kopuru itzela da: estalaktitak, estalagmitak, gourgs-ak…non nahi gertu-gertutik ikusiko ditugu.
Herensugearen gotorlekua
Bisitatuko den azken gelaune honen ezaugarri bereizgarria bere bolumen itzela da (60m-tako luzera eta zenbait puntutan 25m-tako altuerara iristen da).
Bisitan zehar ikusten ez diren arren, kobak baditu beste bi gela: lehenengoa Gerlariaren gela izenez ezaguna, 80m zabal eta bolumen handiko gelaunea da, bigarrena berriz, Intxixuen gordelekua…